QR Energetıka vıse-mınıstri Jandos Nurmaǵanbetov Senat otyrysynan keıin BAQ ókilderine bergen suhbatynda Qazaqstanda salynýy múmkin AES-tiń orny týraly pikir bildirdi, dep jazady Egemen.kz.
Vıse-mınıstrdiń aıtýynsha, ázirge salynýy múmkin atom stansasynyń qurylys alańy, stansanyń kólemi men mólsheri áli anyqtalmaǵan.
«Atom elektr stansasyn salatyn alań tańdap alynǵan joq. Salý máselesi qaralyp jatyr. Júrgizilgen esepter Qazaqstannyń ekologııalyq kodekste qoıylǵan mindetterge qol jetikizýi úshin syrtqa qaldyq tastamaıtyn jańa generasııa salý qajettigin kórsetti. Bizdegi generasııalaýdyń negizgi bóligi sovet ýaqytynda salynǵan. Jańa salynǵandary sondaı kóp emes. Sondyqtan stansalardyń eskirý problemasy bar. Iаǵnı jańa generasııalar alý qajet. Kómirsýteksiz generasııaǵa osy atom stansasy jatady. Sondyqtan atom stansasyn salý máselesi qaralyp otyr», dedi Jandos Nurmaǵanbetov.
Sondaı-aq vıse-mınıstr AES salýǵa baılanysty naqty sheshim bıyl qabyldanýy kerek ekenin aıtty.