Memleket basshysy Qasym-Jomart Toqaev qańtar oqıǵasynyń sebep-saldary men aldaǵy ýaqytta elimizde júzege asyrylatyn saıası jáne áleýmettik reformalarǵa qatysty suhbat berdi, dep habarlaıdy Egemen.kz. Memleket basshysynyń mańyzdy suhbaty «QAZAQSTAN» ulttyq telearnasynan kórsetildi.
Memleket basshysy qańtar oqıǵasyndaǵy qaraqshy, lańkesterdiń Almatyǵa syrttan kelgenin, olardyń maqsaty kisi óltirý, qorqytý, dúkenderdi tonaý, áıelderdi zorlaý, aqyr sońynda bılikti qulatý bolǵanyn basa aıtty. Sondaı-aq ol qaraqshylardyń bılikke nege qarsy shyqqanyn da aıtyp ótti.
– Másele mynada: tóńkerisshiler elimizde qolǵa alynǵan reformalarǵa kedergi keltirýge tyrysty. Tipti Prezıdentke de qarsy boldy. О́zgerister olardyń múddelerine tıimdi emes edi. О́ıtkeni, reformalardyń basty maqsaty – ádiletti qoǵam ornatý, monopolııalardy joıý, saıası transformasııa jasaý, elimizdiń ekonomıkalyq damýyn jedeldetý. Halyq ta osyny talap etip otyr. Sondyqtan, baǵytymyzdy ózgertpeımiz, reformalar mindetti túrde óz jalǵasyn tabady, dedi Prezıdent.