Batys Qazaqstan oblysy «Ohotzooprom» óndiristik birlestik ınspektorlaryna eki brakoner qarsylyq kórsetip, oq atqan. Bul týraly Ekologııa, geologııa jáne tabıǵı resýrstar mınıstrliginiń baspasóz qyzmeti habarlady, dep jazady Egemen.kz.
Abyroı bolǵanda adam shyǵyny men jaraqat alǵandar joq.
– Inspektorlar barlaý kezinde Kaztalov aýdany Juldyz kenti aýmaǵynda «Boran» markaly qarda júrgish kóliginiń izine túsken. Jedel qýyp jetken qoryqshylardyń pármenine qulaq aspaǵan qaskóıler Toıota markaly qyzmettik kólikke anyqtalmaǵan myltyqtan shamamen 10 ret oq atqan. Avtomobıldiń aldyńǵy dóńgelekteri jarylyp, bamperi zaqymdalǵan. Inspektorlardyń tabeldik qarýdan eskertý oq atqandaryna qaramastan, brakonerler BQO, Jańaqala aýdany, Novokazanka aýylyna qaraı izderin sýytqan, – delingen habarlamada.
Oqıǵa ornyna Kaztalov aýdandyq polısııa bóliminiń qyzmetkerleri shaqyrylyp, atalǵan fakti boıynsha qylmystyq is qozǵaldy.