Shý-Talas oblysaralyq basseıindik balyq sharýashylyǵy ınspeksııasynyń qyzmetkerleri zańsyz balyq satý faktisin anyqtady, dep habarlaıdy Egemen.kz Balyq sharýashylǵy komıtetiniń baspasóz qyzmetine silteme jasap.
Osy jyldyń 17-shi aqpan kúni jedel reıdtik is-shara ótkizý barysynda Taraz qalasy, 2 móltek aýdany «IRS» saýda kesheni mańynda 303 kg sazan balyǵyn satpaqshy bolǵan azamat anyqtaldy.
«Tekserý barysynda onda balyqtyń zańdylyǵyn dáleldeıtin qujattar bolmady. Zańsyz aýlanǵan balyq tárkilenip, QR ÁQBtK 389-babyna sáıkes tıisti hattama toltyryldy. Is Taraz qalasynyń arnaıy mamandandyrylǵan ákimshilik sotyna ákimshilik sheshim qabyldaý úshin joldandy. 1988 jyly týylǵan azamat óziniń zańsyz is-áreketterimen tabıǵatqa 1 821 839 tenge kóleminde zalal keltirdi», dep jazylǵan habarlamada.
Reıdtik is-sharalar jalǵasýda.