Asa aýyr salmaq dárejesinde baq synap júrgen qazaqstandyq kásipqoı boksshy Jan Kosobýskıı 20 aqpan kúni sharshy alańdaǵy kezekti kezdesýin ótkizedi, dep habarlaıdy Egemen.kz.
Búgingi kúnge deıin kásipqoı rıngte 17 jekpe-jek ótkizip, qarsylasynyń barlyǵynan aılasyn asyryp, 16 kezdesýin merziminen buryn aıaqtaǵan qazaqstandyq boksshy bul joly fransýz Joan Dıýopaǵa qarsy sharshy alańǵa shyǵady. Germanııanyń Gambýrg qalasynda ótetin jekpe-jekte býkmekerlik keńseler qazaqstandyq boksshyny favorıt sanap otyr. Máselen, Parimatch býkmekerlik keńsesi qazaq oǵlany jeńiske jetedi degenge 1,04 koeffısıent usynsa, fransýz boksshysy jeńedi degenge 9 koeffısıent bergen. Jannyń qarsylasy 41 jasar boksshy ekenin eskersek, otandasymyz merziminen buryn jeńiske jetýi ábden múmkin.