15 aqpan kúni Atyraý qalasyndaǵy mektepterdiń birinde 7 synypta oqıtyn oqýshy muǵalimine anasynyń ishimdik ishetinin aıtyp, shaǵymdanǵan, dep habarlaıdy Egemen.kz.
«Osyǵan baılanysty, Atyraý qalasy Polısııa basqarmasynyń qyzmetkerleri bilim berý uıymynyń qyzmetkerlerimen birlesip, atalǵan oqýshynyń úıin tekserýge barǵan ýaqytta jasóspirim qyzdyń 47 jastaǵy anasynyń mas kúıde ekendigi anyqtalǵan», dep jazylǵan habarlamada.
Oǵan medısınalyq saraptamanyń jeńil dárejeli masań kúıde dep bergen qorytyndysy dálel bolǵan.
«Bul jaǵdaı buryn da 47 jastaǵy áıel adamnyń tarapynan birneshe ret qaıtalanýyna baılanysty, balalarynyń tárbıesimen aınalyspaǵany úshin, azamatshaǵa qatysty QR ÁQBtK-niń 127 babynyń 2 bólimimen ákimshilik hattama jasaqtalyp, jınaqtalǵan is-qujattar zańdy sheshim qabyldaý úshin sotqa joldandy», dedi PB baspasóz qyzmetindegiler.
Endi atalǵan azamatshaǵa qatysty jınaqtalǵan is-qujattar Atyraý qalasy ákimdigi janyndaǵy kámeletke tolmaǵandardyń quqyǵyn qorǵaý komıssııasyna joldanatyn bolady.