Italııanyń «Iýventýs» fýtbol klýby komandanyń argentınalyq shabýylshysy Paýlo Dıbalanyń týrındik ujym sapynda qalǵanyn qalaıdy, dep habarlaıdy Egemen.kz championat.com-ǵa silteme jasap.
Áýelde argentınalyq fýtbolshyǵa jylyna 8 mıllıon eýro jáne túrli bonýstar usynbaq bolǵan týrındik komanda keıin basqa sheshim qabyldamaq boldy. Sonyń saldarynan kelissózder toqtap qaldy. Oılana kele ıtalııalyq komandanyń basshylary bastapqy usynysty qaıta usynǵandy jón sanaǵan. Áıtkenmen «Iýventýs» basshylary fýtbolshynyń agenti Horhe Antýnnyń komıssııalyq alymnyń basym bóliginen bas tartqanyn maqul kóredi.
Osy maýsym barysynda fýtbolshy «Iýventýs» sapynda 27 márte jasyl alańǵa shyǵyp, 12 ret mergendigimen kózge túsken. Sondaı-aq 6 nátıjeli pastyń avtory atanǵan. Fýtbolshy men komandanyń arasyndaǵy kelisimshart maýsym sońynda aıaqtalady. Al «Iýventýs» fýtbol klýbynyń basshylary argentınalyq shabýylshyny komandadan jibergisi joq.