IIM Ákimshilik polısııa komıteti basqarmasy bastyǵynyń orynbasary Dáýren Qozybaqov «Quqyqtyq tártip» jedel aldyn alý is-sharasy aıasynda ashylǵan qylmystar jóninde baıandap berdi, dep jazady Egemen.kz.
«Elimizdiń barlyq óńirlerinde «Quqyqtyq tártip» jedel aldyn alý is-sharasy ótýde. Onyń maqsaty - jedel jaǵdaıdy saýyqtyrý, zańdylyq pen quqyqtyq tártipti qamtamasyz etý boıynsha sharalar qabyldaý, sondaı-aq tótenshe jaǵdaıdyń saldaryn joıý», dedi Dáýren Qozybaqov.
Onyń aıtýynsha, is-sharany ótkizý kezeńinde 13 myńnan astam qylmys tirkelgen.
Ol qylmystardyń eń kóp sany Shyǵys Qazaqstan oblysynda, Almaty, Qaraǵandy, Soltústik Qazaqstan oblystarynda jáne Shymkent qalasynda jasalǵanyn aıtty. 8 myńǵa jýyq qylmys «izin sýytpaı» ashylǵan.
Mysaly, Jambyl oblysynda 1995 jyly týǵan kúdikti úsh adamdy óltirgeni úshin ustalsa, Qyzylorda oblysynda eki jas jigitke pyshaq jaraqatyn salǵan 2005 jyly týǵan azamat ustaldy.
Sondaı-aq IIM habarlaǵandaı, buryn jasalǵan 2 myńnan astam qylmys, onyń ishinde aýyr jáne asa aýyr qylmystardyń beti ashyldy. Izdeýde júrgen 327 qylmysker ustaldy.
«Tarazda 2017 jyly Shymkent qalasynda kóshede atys qarýyn qoldana otyryp, kámeletke tolmaǵan balany óltirýge qatysýshy retinde halyqaralyq izdeýde júrgen kúdikti ustaldy. Almaty oblysynda halyqaralyq izdeýde júrgen qylmysker ustaldy, ol 2020 jylǵy 7 aqpanda Qordaı aýdanynyń Masanchı aýylynda ańshylyq myltyqpen tórt adamdy óltirdi. 12 kalıbrli MR-27em-1S ańshylyq myltyǵy tárkilendi. Krasnodar ólkesinde qarjy pıramıdasyn qurý jáne ony basqarǵany úshin halyqaralyq izdeýde bolǵan, 1990 jyly týǵan, «Sentr Fınans» JShS fılıalynyń burynǵy dırektory, 2018-2020 jyldar aralyǵynda Aqtóbe qalasynda asa iri mólsherde azamattardyń aqshalaı qarajatyn tartýdan tabys alý boıynsha qylmystyq is-áreketti uıymdastyrǵan», dep túsindirdi Dáýren Qozybaqov.
Sondaı-aq onyń aıtýynsha, Reseı Federasııasynyń Krasnodar qalasynda memleketaralyq izdeýde júrgen qylmysker ustaldy, ol 2015 jyldan 2016 jylǵa deıin Reseı aýmaǵynda urlanǵan kólikterdi satý boıynsha UQT basqardy.
Brıfıngte sondaı-aq Túrkistan oblysynda 2017 jylǵy 15 qańtarda Túlkibas aýdanynda 110 myń teńge somasyndaǵy aqshasy bar seıfti ıelene otyryp, Sila Oil JMQS-na qaraqshylyq shabýyl jasaǵan eki qylmysker ustalǵanyn habarlady. Turǵylyqty jeri boıynsha jáne avtokólik salonynda ustalǵan kezde esirtki tabyldy jáne tárkilendi jáne 16 kalıbrli ańshylyq myltyqtyń kesilgen nómiri bar.