AQSh Reseıge qarsy aldyn-ala sanksııalar ázirledi. Atap aıtqanda Reseıdiń iri bankteriniń tranzaksııalaryn óńdeýge tyıym salynady, dep jazady Egemen.kz Reuters agenttigine silteme jasap.
Reseı Ýkraınaǵa «shabýyl» jasaǵan jaǵdaıda birqatar shektege tap bolýy múmkin. Agenttik jazǵandaı, Sanksııalar bankter arasyndaǵy «korrespondenttik» qatynastardy buzý arqyly Reseı ekonomıkasyna zııan keltirýge baǵyttalǵan.
AQSh ákimshiligi reseılik tulǵalar men kompanııalarǵa sanksııalar salýdy josparlap otyr. Reseıdi qara tizimge (SDN paraǵy) qosyp, olardy AQSh bank júıesinen shyǵarady. Sonymen qatar, Amerıka azamattarymen saýda jasaýǵa tyıym salynady jáne Reseı AQSh-taǵy aktıvterin toqtatady.
20 aqpanda AQSh О́kilder palatasynyń spıkeri, demokrat Nensı Pelosı Mıýnhendegi qaýipsizdik konferensııasynda «Reseı Ýkraınaǵa shabýyl jasaǵan jaǵdaıda buryn sońdy bolmaǵan qatań jaza beriledi», dep málimdedi.
О́tken jyldyń kúzinen bastap batys BAQ, sondaı-aq Ýkraınanyń aqparat kózderi Reseıdiń Ýkraınaǵa «aýqymdy shabýyl» daıyndap jatqandyǵy týraly dabyl qaqty.
Al Máskeý mundaı málimdemelerdiń jalǵan ekendigin habarlady.
Aıana Toǵanbek
EUÝ stýdenti