Sońǵy úsh aı ishinde Ispanııa, Reseı, Bahreın, BAÁ, Grýzııa, Vengrııa jáne basqa da elderdiń aýmaǵynda túrli qylmystary úshin izdestirilip jatqan 16 adam ustaldy, dep habarlaıdy Egemen.kz.
Máselen, qańtar aıynda Vengrııada hakerlik áreketter arqyly aqsha urlaǵany úshin Almaty qalasy polısııa departamenti izdestirip jatqan Rýmynııa azamaty ustaldy.
Ol transulttyq uıymdasqan qylmystyq toptyń quramynda Qazaqstan, Reseı, Ýkraına, Ázirbaıjan, Taıvan bankteriniń shottaryna qasaqana zańsyz qol jetkizý arqyly aqsha qarajatyn bank kartalaryna aýdaryp, olardy qolma-qol aqshaǵa aınaldyrǵan.
Shyǵyn somasy 9 mln AQSh dollarynan asty. Qazirgi ýaqytta qylmyskerdi Qazaqstanǵa tapsyrý týraly másele sheshilýde.