ShQO-da qar kóshkininiń aldyn alý úshin jasandy jolmen qar kóshkini túsirildi. Bul sharalar qaýipsizdikti qamtamasyz etý maqsatynda júzege asyryldy, dep habarlaıdy Egemen.kz.
ShQO Tótenshe jaǵdaılar departamenti baspasóz qyzmetiniń málimetine súıensek, qar kóshkininiń aldyn alý sharalary «Altaı-Pýtınsevo» jáne «Altaı-Bogatyrevo» tasjoldarynda júrgizildi.
«Bir aptadan keıin kóktem keledi. Bul qar kóshkini júrý qaýpi eń joǵary kezeń. Alaıda qazirdiń ózinde aýa temperatýrasy kúrt jylyp, jaýyn-shashyn jaýýyna baılanysty oblysta kóshkin júrý qaýpi týyndaǵan. Soǵan oraı «Qazseldenqorǵaý» ShQO fılıalynyń mamandary eki jolda profılaktıkalyq kóshkin túsirý jumystaryn júrgizdi», dep habarlady vedomstvo ókilderi.