Nur-Sultan qalasynyń qoǵamdyq densaýlyq saqtaý basqarmasy turǵyndardy jappaı vaksınasııalaý jáne revaksınasııalaý epıdemıologııalyq jaǵdaı boıynsha elordanyń «jasyl aımaqqa» kóshýine yqpal etkenin aıtty, dep jazady Egemen.kz.
«Qazir qala boıynsha birinshi komponentpen 508 myńnan astam adam vaksınasııalandy, ımmýndaýdyń tolyq kýrsynan 67,1%-y ótti, bul – 478 myńǵa jýyq qala turǵyny. Elordada 86 myńǵa jýyq azamat qaıta vaksınasııalandy», dedi qalalyq Densaýlyq saqtaý basqarmasynyń basshysy Tımýr Muratov.
Basqarma basshysy Densaýlyq saqtaý mınıstrliginiń Pfizer-di tegin alatyndardyń tizimin qaıta qaraýy qala turǵyndarynyń ekpe alýǵa degen yntasyn edáýir arttyrǵanyn da atap ótti.