Jartylaı aýyr salmaq dárejesinde baq synap júrgen meksıkalyq bylǵary qolǵap sheberi Hılberto Ramıres WBA tujyrymy boıynsha jartylaı aýyr salmaqtaǵy álem chempıony, reseılik Dmıtrıı Bıvoldyń ózimen judyryqtasqysy kelmeıtinin aıtty, dep habarlaıdy Egemen.kz Fightnews.info-ǵa silteme jasap.
«Men ekinshi orta salmaqtaǵy álemniń absolıýtti chempıony Saýl Alvaresti Davıd Benavıdeske nemese Djermall Charloǵa qarsy jekpe-jekte kórgim keledi. Al ózim Dmıtrıı Bıvolǵa qarsy sharshy alańǵa shyǵýǵa daıynmyn. Dmıtrıı Bıvoldy bir emes, birneshe márte kezdesýge shaqyrdym. Alaıda ol eshqashan shaıqasqa shyǵýǵa yqylas tanytqan emes. Qazir bári «Kanelomen» qolǵap túıistirýge tyrysady. Boksshylar búginde dańq úshin bokstasqysy kelmeıdi. Olar aqsha tabý jolynda janyn beredi. Sondaı jolda júrip attaryn tarıhqa altyn áriptermen jazamyz dep oılaıtyny belgili», deıdi Hılberto Ramıres.