Ispanııada ótken «Andalýsııa Výeltasy» kópkúndigi aıaqtaldy. Bul jarysta «Astana Qazaqstan Team» klýbynyń eki birdeı veloshabandozy úzdik ondyqtyń qatarynan kórindi.
Kóptegen dúbirli dodada daralanyp júrgen Mıgel Anhel Lopes Pıreneı túbeginde úshinshi oryndy ıelendi. Qazaqstandyq komandanyń sapyndaǵy 28 jastaǵy kolýmbııalyq legıoner jarys jeńimpazynan nebári 15 sekýnd qalyp qoıdy. О́zimizdiń Alekseı Lýsenko toǵyzynshy orynǵa taban tiredi. «TOP-10» veloshabandozdyń sanatyna qosylýǵa Harold Tehadanyń da jaqsy múmkindigi boldy. Biraq sál ǵana sáttilik jetispegen Ońtústik Amerıkanyń ókili 12-satyǵa jaıǵasty. Al Sımone Velasko 47 jáne Evgenıı Fedorov 74-oryndardy qanaǵat tutty.
Atalǵan kópkúndikte «Bahrain Victorious» klýbynyń serkesi Vaýt Pýls aldyna jan salmady. 34 jastaǵy Nıderlandtyń saqa sportshysynyń nátıjesi – 20 saǵat 21 mınýt jáne 27 sekýnd.