Búkilálemdik boks uıymy (WBO) orta salmaqta baq synap júrgen qazaq oǵlany Jánibek Álimhanuly men meksıkalyq Haıme Mýngııa arasynda jekpe-jek ótkizý týraly sheshim shyǵardy, dep habarlaıdy Egemen.kz.
Álemniń ýaqytsha chempıony ataǵy úshin ótýi tıis kezdesýge meksıkalyq boksshy kelisim bere me? Áı, qaıdam. Golden Boy promoýterlik uıymy Haıme Mýngııany Gennadıı Golovkınmen kezdestirgisi keletini o bastan málim. Sodan da bolar, Haıme birinshi orta salmaqtan orta salmaqqa aýysyp, chempıon Demetrıýs Andradeniń mindetti qarsylasy atanǵan kezde de ony AQSh boksshysyna qarsy shyǵarmady. Áıtpese Mýngııa bir jarym jyl buryn álem chempıony ataǵyna talasýshy edi. Endi álem chempıonyna qarsy rıngke kóterilýge qulyqsyz bolǵan meksıkalyq boksshy ýaqytsha chempıon ataǵyna talasýǵa nıettene qoımas. Alaıda Haıme Jánibekpen shaıqastan bas tartsa, jankúıerler tarapynan synǵa ushyraıtyny málim. Sondyqtan amaldyń joqtyǵynan kelisim berýi de múmkin. Kim bilsin? Ol Golovkınmen kezdesip, úlken shaıqastan ájepteýir qarjy tapqysy keledi. Al Gennadıı ony eleı qoıar ma eken?