Ulybrıtanııalyq promoýter Eddı Hırn WBA Super, WBO, IBF jáne IBO tujyrymdary boıynsha asa aýyr salmaq dárejesindegi álem chempıony, ýkraınalyq Aleksandr Ýsık pen ulybrıtanııalyq Entonı Djoshýa arasyndaǵy qarymta kezdesý qashan ótetinin aıtty, dep habarlaıdy Egemen.kz championat.com-ǵa silteme jasap.
«Men jaqynda ǵana Taıaý Shyǵystan oraldym. Birneshe memlekettiń ókilderimen kezdesýler ótkizdim. Olar Ýsık-Djoshýa II shaıqasyn ótkizýge nıettenip otyr. Egıs Klımas pen Aleksandr Ýsık jaqynda Ulybrıtanııaǵa keledi. Kezdesý barysynda qarymta jekpe-jek máselesin jan-jaqty talqylaımyz. Qazir biz shaıqastyń datasyn belgileıtin ýaqytqa kelip jettik. Jekpe-jek shamamen mamyr aıynyń sońynda nemese maýsym aıynda ótýi tıis», dedi promoýter jaǵdaıdy túsindirip.