BUU bas hatshysy Antonıý Gýterrısh Reseı prezıdenti Vladımır Pýtınnen reseılik áskerdiń Ýkraınaǵa shabýylyn toqtatýdy surady, dep habarlaıdy Egemen.kz.
Birikken Ulttar Uıymynyń Qaýipsizdik keńesi Ýkraına tóńiregindegi jaǵdaıdy shuǵyl talqylaý úshin, bir aptada ekinshi ret jınaldy. Sessııadan úzindiler uıymnyń Twitter-degi resmı akkaýntynda jarııalandy.
«Men bir nárseni shyn júregimmen suraımyn: prezıdent Pýtın, áskerlerińizdiń Ýkraınaǵa shabýyl jasaýyn toqtatyńyz, beıbitshilikke múmkindik berińiz», dedi Gýterrısh.
Osyǵan deıin Reseı prezıdenti Vladımır Pýtın Donbassta arnaıy áskerı operasııa júrgiziletinin, Reseıdiń josparynda Ýkraınany okkýpasııalaýdyń joqtyǵyn aıtqan bolatyn.