2025 jylǵa qaraı jalpy óńirlik ónimdegi týrızmniń úlesin 6%-ǵa deıin arttyrý josparlanǵan. Bul týraly Almaty oblysynyń ákimi Qanat Bozymbaev málimdedi, dep habarlaıdy Egemen.kz.
О́ńir basshysy atap ótkendeı, Almaty taý klasteri aıasynda jalpy somasy 546,7 mlrd teńgege 8 jobany júzege asyrý josparlanǵan, Osylaısha, 6 myńnan astam jumys orny ashylady dep kútilýde.
«Týrızm salasyna durys kózqaraspen qaraıtyn bolsaq, ony ekonomıkanyń tolyqqandy draıverine aınaldyrýǵa bolady. Almaty taý klasterin, Alakól jáne Balqash kólderiniń jaǵalaýlaryn, ulttyq tabıǵı saıabaqtardaǵy ekologııalyq týrızmdi damytý basymdyq bolyp tabylady», dep atap ótti Qanat Bozymbaev.
Eske sala ketsek, búgin Almaty oblysynyń ákimi Qanat Bozymbaev jýrnalıstermen baspasóz konferensııasyn ótkizdi. Kún tártibinde óńirdi damytýǵa qatysty birqatar ózekti máseleler turdy.