Memleket basshysy Eýrazııalyq úkimetaralyq keńeske qatysý úshin Qazaqstanǵa kelgen Reseı Federasııasynyń Premer-Mınıstri Mıhaıl Mıshýstındi qabyldady, dep habarlaıdy Egemen.kz Aqordaǵa silteme jasap.
Kezdesý barysynda olar saýda-ekonomıkalyq, ınvestısııalyq yntymaqtastyqty, sonyń ishinde Eýrazııalyq ekonomıkalyq odaq aıasyndaǵy yqpaldastyqty nyǵaıtýǵa basa mán bere otyryp, Qazaqstan men Reseı arasyndaǵy strategııalyq seriktestikti damytýdyń perspektıvalaryn talqylady.
Sonymen qatar Qazaqstan Prezıdenti men Reseı Premer-Mınıstri Ýkraınadaǵy jaǵdaıdyń ýshyǵýyna jáne Reseıge halyqaralyq sanksııalardyń engizilýine baılanysty eki memleket arasyndaǵy taýar aınalymynyń tómendeýine jol bermeý jónindegi birlesken sharalardy qarastyrdy.