Bolgarııa astanasynda bokstan ótip jatqan Strandja kýbogynda erler arasynda qazaqstandyq Mahmut Sabyrhan el qorjynyna ekinshi altyn medaldy saldy, dep habarlaıdy Egemen.kz.
54 keli salmaqta el namysyn qorǵap jatqan otandasymyz Mahmut Sabyrhan fınalda jergilikti boksshy Iаsen Radevpen judyryqtasýy kerek bolatyn. Biraq, qarsylasy jaraqatyna baılanysty jekpe-jekke shyǵýdan bas tartty.
Osylaısha, Mahmut Sabyrhan atalǵan týrnırdiń altyn medalyna aıqassyz qol jetkizdi.
Esterińizge sala keteıik, osyǵan deıin Qazaqstan qorjynyna alǵashqy altyn medaldy áıelder arasynan álemniń eki dúrkin chempıony Nazym Qyzaıbaı jeńip alǵan bolatyn.
Sondaı-aq búgin Dýlat Bekbaýov (67 keli) Danııa eliniń ókili Nıkolaı Terterıanmen kezdesse, Saǵyndyq Toǵambaı (86 keli) ýkraındyq Sergeı Gorskovpen básekege túsedi. Al, Valentına Halzova (70 keli) reseılik Galına Golovchenkomen sheberlik baıqasady.