Aqparat jáne qoǵamdyq damý mınıstri Asqar Omarovtyń Prezıdenttik jastar kadr rezervi ókilderimen oflaın jáne onlaın formattarda kezdesýi ótti. Bul kezdesýge 2021 jyldyń sońynda konkýrs qorytyndysy boıynsha rezerv quramyna ótken jastar qatysty.
Mınıstr rezervshilerdi PJKR-ǵa qabyldanýymen quttyqtap, olardyń elimizdiń damýyna eleýli úles qosatynyna senim bildirdi. A.Omarov óz sózinde jas, talantty jáne patrıot adamdardy memlekettik basqarý júıesine engizý, ony jańartý prosesi Memleket basshysy Qasym-Jomart Toqaevtyń ishki saıası baǵytynyń basymdyqtarynyń biri ekenin atap ótti.
Asqar Omarov bıyl jastar jáne otbasy saıasaty máselelerine jetekshilik etetin vıse-mınıstr bolyp AQDM-da PJKR múshesi Aleksandr Danılov taǵaıyndalǵanyn atap ótti.
Kezdesýde rezervshiler ózderin qyzyqtyrǵan suraqtardy qoıyp, mınıstrliktiń jumysyn jetildirý boıynsha óz usynystaryn aıtty. Kezdesý qorytyndysy boıynsha rezervshilerge olardyń quzyreti men qyzmet salasyna baılanysty, mınıstrliktiń jumysyna tartý usynyldy.