NATO keńesi Norvegııanyń eks-premeri Iens Stoltenbergti alıans bas hatshysynyń oryntaǵyna taǵaıyndady. Bul týraly NATO-nyń baspasóz qyzmeti taratqan resmı málimdemege silteme jasaǵan ITAR-TASS habarlady.
«NATO keńesi Iens Stoltenbergti Soltústik Atlant alıansynyń bas hatshysy etip taǵaıyndaý týraly sheshim qabyldady», - delingen qujatta.
55 jastaǵy Iens Stoltenberg NATO-nyń qazirgi bas hatshysy Anders Fog Rasmýssendi almastyrady. Almasý prosesi bıylǵy jylǵy 4-5 qyrkúıekte Ýelste NATO sammıti ótkennen keıin jasalady.
Jalpy, ústimizdegi jyly NATO bas hatshysyn almastyrý josparly shara bolyp tabylady. Danııanyń eks-premeri Anders Fog Rasmýssen saıası alıanstyń lıderi oryntaǵyna 2009 jylǵy 1 tamyzda keldi. Osylaısha ol bul orynda 5 jyl, 2 aı otyrmaqshy. Alıans bas hatshysynyń standartty mandaty 4 jylǵa eseptelgen. Alaıda, odaqtastar NATO áskerlerin Aýǵanstannan shyǵarý prosesin aıaqtaý jáne Soltústik Atlant alıansynyń aýǵan naýqanyn aıaqtaý qortyndysyna arnalǵan fınaldyq sammıtin ótkizý úshin oǵan ýaqyt berýge sheshim qabyldady.
Iens Stoltenberg Norvegııanyń premer-mınıstri oryntaǵyna úsh ret otyrdy. Aldymen 2000-2001 jyldary Hel Magne Býnnevıktiń kabınetine jaıǵasty. Sosyn 2005 jáne 2009 jyldary eki ret saılaýda jeńiske jetti.
Sáken Maılybaı.
Derekkóz: ITAR-TASS.
Foto: ITAR-TASS.