Reseıde turatyn qazaqstandyq aralas jekpe-jek sheberi Damır Ismaǵulov jeńil salmaqtaǵy álemniń burynǵy chempıony, brazılııalyq Rafael dos Anospen jekpe-jekke shyǵýǵa daıyn ekenin aıtty, dep habarlaıdy Egemen.kz sports.kz-ke silteme jasap.
«Men tolyqqandy daıynmyn. Salmaqty jasap qoıdym. Sen bar bolǵany kelisimshartqa qol qoısań boldy. Bas tartpaısyń degen oıdamyn. Saspa, jekpe-jek barysynda men seni aıtarlyqtaı qatty urmaımyn. Qysqasy, men oktagonǵa shyǵýǵa ázirmin. Sen de daıynsyń», dep jazdy Damır ınstagramdaǵy paraqshasynda.