Aqmola oblysy Kýpchanovka aýylynda jeke turǵyn úıde bolǵan órtten úsh adam kóz jumdy, dep habarlaıdy Egemen.kz.
«Búgin, 01.03.2022 jyly Bulandy aýdanynyń Kýpchanovka aýylynda 81 sharshy metr jeke turǵyn úıde órt oryn aldy. О́rt sóndirý bólimshesi kelgen ýaqytta úı tolyǵymen otqa oranǵan. Oqıǵa ornynan 1976 j,1987 jylǵy eki áıel men 1994 jylǵy er adamnyń máıiti tabyldy», delingen oblystyq TJD habarlamasynda.
Bir adam terezeni syndyryp shyǵyp aman qalyp, oqıǵa ornyna órt sóndirýshilerdi shaqyrǵan.
«Aldyn ala aqparat boıynsha, úı ıesi – 1976 jyly týǵan áıel otbasylyq merekede, dostarynyń arasynda ulynyń kámeletke tolǵanyn atap ótpek bolǵan. Osylaısha kelgen qonaqtar órt kezinde úı ıesimen birge qaza tapqan. Oqıǵa týraly keshtetip jetken habar órttiń tez taralýyna ákeldi, birneshe mınýt ishinde úı tolyǵymen otqa orandy», dedi Aqmola oblysy TJD Memlekettik-órt baqylaý basqarmasynyń bastyǵy Dýman Daleshov.
О́rt 03:10-da aýyzdyqtalyp, 04:55-te joıyldy. Makınsk qalasynyń 8-MО́SB-nan órt shyqqan jerge deıingi qashyqtyq – 25 shaqyrym. О́rttiń sebebi men qaza bolý jaǵdaılary anyqtalýda, sot-medısınalyq saraptama taǵaıyndaldy. Oqıǵa ornyna TJD 11 qyzmetkeri men 3 birlik tehnıkasy shyqty.
Aqmola oblysynyń Tótenshe jaǵdaılar departamenti oblys turǵyndary men qonaqtaryna órt qaýipsizdigi sharalaryn saqtaý qajettigin eskertedi.