Reseıdiń Ýkraına jerindegi áskerı operasııalaryna baılanysty álemdik naryqtaǵy beldi kompanııalar men saýda-sattyq alańdary Reseımen qarym-qatynasyn úze bastady, dep habarlaıdy Egemen.kz.
Máselen, Apple men Nike óz ónimderin satýdy toqtatty jáne Reseıdegi qyzmet kórsetý jumystaryn shektedi.
Amerıkalyq Boeing ushaq konserni reseılik áýe kompanııalaryna qosalqy bólshekterdi jetkizýdi jáne olarǵa tehnıkalyq qoldaý kórsetýdi toqtatty.
Netflix reseılik fılm jobalarymen jumys istemeıtinin habarlap úlgerdi.
Germanııanyń BMW kompanııasy da Reseıde avtokólik óndirisin toqtatyp qoıdy.
American Express qarjy kompanııasy sanksııa salý aıasynda Reseı Federasııasyndaǵy seriktesterimen yntymaqtastyqty toqtatady.
Sondaı-aq ExxonMobil Reseıge ınvestısııa salmaıtyn boldy.
Sport pen mádenıet ókilderi de halyqaralyq saıystardan shettetilip jatyr. Mysaly, Kann kınofestıvali Reseıden resmı delegasııalardy qabyldamaıdy.
Al Eýropa odaǵy reseılik birqatar telearnanyń odaq kóleminde habar taratýyna tyıym saldy.
Ázirge mundaı sanksııalar qashanǵa deıin jalǵasatyny belgisiz. О́kinishke qaraı, Ýkraınadaǵy jaǵdaı ýshyqpasa, turaqtalatyn túri baıqalmaıdy. Sondyqtan reseılik kompanııalar men tulǵalarǵa qatysty jasalatyn qysym jaqyn arada toqtaı qoımaıtyn syńaıly. Búgin eki el arasynda taǵy da kelissóz ótedi. Túıtkildi máseleler sol jerde sheshimin tapsa, jaǵdaı ońalýy da múmkin.