Eýrazııalyq ekonomıkalyq odaq máselesi qaraldy

Máskeýde Qazaqstan Respýblıkasy Premer-Mınıstriniń birinshi orynbasary Baqytjan Saǵyntaevtyń qatysýymen Eýrazııalyq eko­­­­­­no­mıkalyq komıssııa keńesiniń kezekti otyrysy ótti. Keńes otyrysynda Keden odaǵy men Biryńǵaı ekonomıkalyq keńistikti odan ári damytýdyń kókeıkesti máseleleri qaraldy. Sonyń biri Eýrazııalyq ekono­mıkalyq odaq týraly kelisim jobasyn ázirleý jaıy boldy. Áriptes eldermen birge keli­sim jobasyn daıyndaý bary­­syn­daǵy negizgi tustar, sondaı-aq, memle­­­ketterdiń ózara tıimdi múddelerin qanaǵattandyrýǵa jáne ıntegrasııany odan ári damytýǵa baǵyttalǵan erejeler talqylandy. Atap aıtqanda, saýda saıasaty máseleleri, tehnıkalyq retteý jáne sanıtarlyq-fıtosanıtarlyq sharalar boıynsha jemisti talqy­laýlar boldy. Ekonomıkany damytýdyń ónerkásiptik jáne agroóner­ká­siptik, valıýta saıasaty, qarjy rynoktary sııaqty negizgi sektorlary boıynsha taraptar ortaq pikirge kelip, atalǵan salalardy ózara tıimdi damytý múmkindikteri kelisim jobasyna engizildi. Sondaı-aq, básekelestikti damytý, kólik, energetıka jáne ta­bıǵı monopolııalar sala­la­ryn­daǵy yntymaqtastyq máseleleri qaraldy. Tutastaı alǵanda, kelisim jobasyn daıyndaýdy talqylaý qorytyndysy barysynda, ózara tıimdi áriptestiktiń negizgi qyr­lary boıynsha eleýli tabysqa qol jetkizildi. Budan basqa, Keden oda­ǵynda tuty­nylatyn joǵary tehno­logııalyq sala úshin materıaldar óndirýdi damytý maqsatynda ákelinetin sırek metaldarǵa qa­tysty baj salyǵyn tómendetý týraly sheshim qabyldandy. Ekonomıkalyq ıntegrasııa­ny damytý baǵytyndaǵy birles­ken jumys mem­le­ketterdiń teń qu­qyq­­ty qarym-qatynas áleýetin tıimdi paıdalanýǵa peıildi eken­dik­teri­niń jarqyn kórinisi bolyp tabylady, dep habarlady Qazaqstan Premer-Mınıstriniń bas­pasóz qyzmeti.