Ýkraına prezıdenti Vladımır Zelenskıı Cherkassk jáne Odessa oblystarynyń basshylyǵyna áskerı qyzmetkerkerdi taǵaıyndady. Jergilikti BAQ Reseı Federasııasy Hersondy baqylaýǵa alǵanyn habarlady, dep jazady Egemen.kz.
Zelenskıı Cherkassk jáne Odessa oblystarynyń basshylaryn almastyrdy. Endi bul laýazymdardy áskerı qyzmetkerler Igor Tabýres pen Maksım Marchenko atqaratyn bolady.
Buqaralyq aqparat quraldary Marchenkonyń Ýkraına Qarýly kúshteriniń polkovnıgi, 28-shi jeke mehanıkalandyrylǵan brıgadanyń komandıri atanǵanyn jazady. 2015-17 jyldary ol 24-shi «Aıdar» jeke shabýyl batalonyn basqardy. Bul bólim Kıevtiń Donbass respýblıkalaryna qarsy kúsh operasııalaryna qatysty.
Lvov qalasynyń meri 18 jastan 60 jasqa deıingi barlyq evakýasııalanǵan er adamdar 24 saǵat ishinde áskerı komıssarıattarǵa kelip, tirkeýge turýy qajet ekenin málimdedi.
Ýkraınanyń Bas shtaby Qara teńizdiń soltústik-batys aımaǵynda keme qatynasy jabylǵanyn málimdedi.
19 el Ýkraınaǵa qarý joldaý jóninde sheshim qabyldady.
Buqaralyq aqparat quraldary Reseı áskerleri Hersondy baqylaýǵa alyp, Marıýpoldy jaýyp, Eýropadaǵy eń iri atom elektr stansııasy ornalasqan Zaporojedegi Energodar blokpostyna jaqyndady dep habarlaıdy.