14 naýryzdan bastap Fransııa bıligi koronavırýs pandemııasymen kúresý maqsatynda engizilgen qatań shekteýlerdi alyp tastaýdy josparlap otyr, dep habarlaıdy Egemen.kz.
Fransııada vaksınasııa sertıfıkattary men medısınalyq maskalardy kııý mindeti alynyp tastalady. Bul týraly beısenbi kúni Fransııa Premer-Mınıstri Jan Kasteks málimdedi.
«Biz sanıtarlyq sharalardy jeńildetýdiń jańa kezeńine aıaq basqaly otyrmyz», dedi ol fransýz telekompanııasyna bergen suhbatynda.
Aldyńǵy aptalarda Fransııa úkimeti sanıtarlyq sharalardy kezeń-kezeńimen alyp tastaýǵa kirisken edi. 28 aqpannan bastap vaksınasııa talap etilgen qoǵamdyq oryndarǵa betperdesiz kirýge ruqsat etildi, al 2021 jyldyń 10 jeltoqsanynda jabylǵan túngi klýbtar 2022 jyldyń 16 aqpanynda qaıta ashyldy.
Jan Kasteks sanıtarlyq talaptar men karantındik sharalar medısınalyq mekemelerde, sondaı-aq qarttar úılerinde ádettegideı saqtalatynyn atap ótti. Sonymen qatar medısına qyzmetkerleri úshin vaksınasııa mindetti bolyp qala beredi. Qoǵamdyq kólikter men densaýlyq saqtaý mekemelerinde maska taǵý rejımi saqtala bermek.