2014 jylǵy 3 aqpan Astana, Úkimet Úıi
Qazaqstan Respýblıkasynyń Ulttyq Banki Basqarmasynyń «Baǵaly metaldardaǵy aktıvterdi tolyqtyrý úshin tazartylǵan altyndy satyp alýǵa memlekettiń basym quqyǵyn iske asyrý qaǵıdalaryn bekitý týraly» 2012 jylǵy 24 tamyzdaǵy № 241 qaýlysyna ózgerister engizý týraly
«Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń Zańyna sáıkes, baǵaly metaldardaǵy aktıvterdi tolyqtyrý úshin tazartylǵan altyndy satyp alýǵa memlekettiń basym quqyǵyn Qazaqstan Respýblıkasy Ulttyq Bankiniń iske asyrý tártibin jetildirý maqsatynda Qazaqstan Respýblıkasy Ulttyq Bankiniń Basqarmasy qaýly etedi: 1. Qazaqstan Respýblıkasynyń Ulttyq Banki Basqarmasynyń «Baǵaly metaldardaǵy aktıvterdi tolyqtyrý úshin tazartylǵan altyndy satyp alýǵa memlekettiń basym quqyǵyn iske asyrý qaǵıdalaryn bekitý týraly» 2012 jylǵy 24 tamyzdaǵy № 241 qaýlysyna (Normatıvtik quqyqtyq aktilerdi memlekettik tirkeý tiziliminde № 7955 tirkelgen, 2012 jylǵy 14 qarashada «Egemen Qazaqstan» gazetinde № 746-751 (27823) jarııalanǵan) mynadaı ózgerister engizilsin: kórsetilgen qaýlymen bekitilgen Baǵaly metaldardaǵy aktıvterdi tolyqtyrý úshin tazartylǵan altyndy satyp alýǵa memlekettiń basym quqyǵyn iske asyrý qaǵıdalarynda: 3-tarmaqtyń 6) tarmaqshasynyń tórtinshi abzasy mynadaı redaksııada jazylsyn: «Tarıftik emes retteý salasyndaǵy normatıvtik quqyqtyq aktiler týraly» Eýrazııalyq ekonomıkalyq komıssııa Alqasynyń 2012 jylǵy 16 tamyzdaǵy № 134 sheshimimen bekitilgen Baǵaly metaldardy, asyl tastardy jáne baǵaly metaldary bar shıkizat taýarlaryn Keden odaǵynyń keden aýmaǵyna ákelý jáne Keden odaǵynyń keden aýmaǵynan áketý tártibi týraly erejeniń 2-qosymshasynda kórsetilgen buıymdardy qospaǵanda, quramynda 1000-ǵa 995 bólikten kem emes hımııalyq taza altyn bar ólsheýish quımalar, plastınalar, túıirshikter, untaq jáne basqa nysandar túrinde berilgen baǵaly metall;»; 6-tarmaq mynadaı redaksııada jazylsyn: «6. Bekitilgen satyp alý lımıti sheńberinde Ulttyq Bank tazartylǵan altyndy óndirý jáne satý boljamynyń kestesin usynǵan naqty klıentten aldaǵy jartyjyldyqta satyp alynatyn tazartylǵan altynnyń kólemin aıqyndaıdy. Satyp alý kólemderi klıentterge aldaǵy jyldyń birinshi jartyjyldyǵyna – aǵymdaǵy jyldyń 1 jeltoqsanyna deıin, aǵymdaǵy jyldyń ekinshi jartyjyldyǵyna – aǵymdaǵy jyldyń 1 maýsymyna deıin jetkiziledi.»; 14-tarmaq mynadaı redaksııada jazylsyn: «14. Tazartylǵan altynnyń baǵasy mámile kúniniń aldyndaǵy kúngi teńgeniń AQSh dollaryna qatysty ortasha alynǵan bırjalyq baǵamyna jáne London baǵaly metaldar naryǵy qaýymdastyǵynyń altynǵa arnalǵan tańerteńgi jáne keshki fıksınginiń búkil jetkizilim aıyndaǵy ortasha mánine jáne: altyndy halyqaralyq naryqtarǵa eksporttaý jónindegi kólik shyǵystarynan; bıd-ask (bid-ask) spredten turatyn iske asyrýǵa jumsalatyn shyǵyndardan; London baǵaly metaldar naryǵy qaýymdastyǵy qabyldaǵan jáne osy qaýymdastyqtyń qujattarynda «London sapaly jetkizilimi» («London good delivery») standarty retinde belgilengen halyqaralyq sapa standarttaryna jaýap bermeıtin tazartylǵan altyn satyp alynǵan jaǵdaıda qoldanylatyn sapa úshin jeńildikten turatyn dıskontqa qaraı teńgemen aıqyndalady. Dıskont mólsherlemelerin aıqyndaý maqsattary úshin bıd-ask (bid-ask) spredten turatyn iske asyrýǵa jumsalatyn shyǵyndar tek Ulttyq Bank Basqarmasynyń sheshimi negizinde nólge teń dep qabyldanady. Dıskonttyń aldaǵy jartyjyldyqqa arnalǵan mólsherlemelerin Ulttyq Banktiń Tóraǵasy bekitedi. Bir kezeńde satyp alynatyn sapasy bir búkil tazartylǵan altynǵa biryńǵaı dıskont mólsherlemesi qoldanylady.». 1. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engizildi.Ulttyq Bank Tóraǵasy Q.KELIMBETOV.
Buıryq Qazaqstan Respýblıkasynyń Ádilet mınıstrliginde 2014 jylǵy 27 aqpanda Normatıvtik quqyqtyq kelisimderdi memlekettik tirkeýdiń tizilimine №9178 bolyp engizildi.