Fransýz sosıalıstik partııasynyń ókili Ann Idalgo Parıj qalasynyń jańa meri qyzmetine taǵaıyndalady, dep habarlaıdy ITAR-TASS agenttigi. Bul resmı aqpardy mýnısıpaldy saılaý qorytyndylaryna súıene otyryp, Fransııa ishki ister mınıstrligi málimdedi. El tarıhynda bul qyzmetke tuńǵysh ret áıel adam taǵaıyndalmaq. Saılaý qorytyndylary boıynsha, Ann Idalgo 53,3 paıyz daýys jınap, básekelesi Natalı Kostıýshko-Morızeden basym tústi. Saılaý resmı túrde 5 sáýir kúni qalalyq keńes otyrysynda ótedi. Ol mýnısıpaldy saılaý qorytyndylarymen júrgiziledi. Ann Idalgo 2001 jyldan beri Parıj meri qyzmetin atqarǵan Bertran Delanoenyń orynbasary bolyp qyzmet istegen. Aıdar О́risbaev. Derekkóz: Itar-tass.com. Foto: EPA/IAN.