Bıylǵy 22-25 mamyr aralyǵynda Astana qalasynda halyqaralyq «KADEX-2014» kórmesi ótkiziledi. Oǵan qatysýǵa 200-den asa sheteldik kompanııa ótinim berdi. Bul týraly Qorǵanys mınıstrliginiń baspasóz qyzmeti habarlady.
Osyǵan deıin eki ret ótkizilgen «KADEX» qarý-jaraq jáne áskerı-tehnıkalyq múlik kórmesine qatysqan sheteldik kompanııalar bizdiń áskerı áýeletimizge oń baǵasyn bergen edi. Endi, mine, sol kórme úshinshi ret ótkizilgeli otyr.
«Alda ótkizilgeli otyrǵan kórmeniń basty erekshelikteriniń biri ondaǵy seksııalarǵa qoıylatyn eksponattardyń aýqymdylyǵynda. Munda ǵaryshtyq tehnologııa, avıasııa men avıasııalyq qarý-jaraq, áýe shabýylynan qorǵaný júıeleri men quraldary, áskerı saladaǵy robot tehnıkasy, IT-tehnologııa, baılanys júıesi men quraldary, áskerlerdi tyldyq jáne tehnıkalyq qamtamasyz etý, Qurlyq áskerleri men Áskerı-teńiz kúshteriniń qarý jaraǵy men áskerı tehnıkasy qoıylmaq», - delingen habarlamada.
Derekke júginsek, qazirden bastap TMD elderi men alys-jaqyn shetelderdegi 200-den asa kompanııa qazaqstandyq kórmege qatysýǵa ótinim beripti.Olardyń qatarynda qarý-jaraq shyǵaratyn belgili Fabbrica d Armi Pietro Beretta S. p. A., EADS, Israel Aerospace Industries, Otokar, Ceska Zbrojovka, Rohde & Schwarz ,Poly technologies Inc jáne basqalary bar. Jalpy, kórme ótkiziletin alańnyń kólemi - 5000 sharshy metr.
«KADEX» qarý-jaraq jáne áskerı-tehnıkalyq múlik kórmesi aıasynda halyqaralyq áskerı-ǵylymı-tehnıkalyq konferensııalar ótkizý josparlanǵan.
Ámirhan Almaǵanbetov.
Derekkóz: Qorǵanys mınıstrliginiń baspasóz qyzmeti.
Foto: www. Strategy2050. kz.