Islamabadtaǵy arnaıy sot Pákstannyń burynǵy prezıdenti Pervez Mýsharrafqa resmı túrde memleketke satqyndyq jasady degen aıyp taqty. Bul týraly Utro.ru habarlady.
2007 jyldyń 3 qarashasynda eks-prezıdent Pákstan konstıtýsııasynyń qyzmetin toqtatyp, elde tótenshe jaǵdaı engizgen bolatyn. Al Pákstan zańdaryna sáıkes, memleketke satqyndyq jasady dep tanylǵan adam ómir boıyna túrmege qamalý nemese ólim jazasyna kesiledi.
P.Mýsharraf bıylǵy jyldyń 2 qańtarynda júrek talmasyna ushyrap, aýrýhanaǵa jatqyzyldy. Eks-prezıdenttiń qorǵaýshylary sotqa ony emdeý úshin AQSh-qa jiberý jóninde ótinish bildirgen bolatyn. Alaıda, sot ótinishti qabyldamaı, eks-prezıdentti áskerı kardıologııalyq aýrýhanaǵa jatqyzýǵa ruqsat etti.
Aıdar О́risbaev.
Derekkóz: Utro.ru.
Foto: Ap.org.