Batys Qazaqstan oblysynda koronavırýs ınfeksııasy boıynsha epıdemııalyq jaǵdaı jaqsaryp keledi. Aqpan aıynda barlyǵy 2 412 jaǵdaı tirkeldi, bul ótken aımen salystyrǵanda aýrý 2,9 esege azaıǵanyn kórsetedi.
Epıdemııalyq jaǵdaıdy baǵalaý matrısasy boıynsha Batys Qazaqstan oblysy 18 aqpannan beri «jasyl aımaqta» tur.
– Jyl basynan oblysta COVID-19 dıagnozy 9 538 márte tirkeldi. Onyń 5 003-i – ashyq sımptommen, al 4 535 adam sımptomsyz anyqtaldy. 100 myń turǵynǵa shaqqandaǵy aýrýshańdyq kórsetkishi – 1 434,1. Sońǵy aptada ótken aptamen salystyrǵanda aýrýshańdyq 43,7%-ǵa azaıǵany baıqalady, – deıdi oblystyq sanıtarlyq-epıdemıologııalyq qorǵaý departamentiniń basshysy Muhamǵalı Aryspaev.
О́ńirde sońǵy táýlik ishinde 9 adam koronavırýs ınfeksııasymen tirkelgen.
Ashyq qosymshasynyń derekterine qaraǵanda, jyl basynan beri oblys azamattary sanıtarlyq-karantındik rejimdi 783 márte buzǵan kórinedi. Onyń ishinde 772 adam «qyzyl» mártebesimen kópshilik oryndarda kózge túsken. Osyndaı zańsyzdyqtar úshin jeke tulǵalarǵa 81 hattama toltyrylǵan. Salynǵan aıyppul kólemi 3 721 545 teńgege jetken. «Qyzyl» mártebesi bolsa da karantın rejimin buzǵan 72 azamattyń aty-jóni áleýmettik jelilerge shyǵarylǵan.
Sońǵy derekterge qaraǵanda, oblys boıynsha ekpe alýǵa tıisti 414 390 adamnyń 272 194-i, ıaǵnı 66 paıyzy vaksınanyń 1 komponentin alǵan. Al ekpeniń qos komponentin tolyq alǵan adam sany – 259 931 (63%).
12-17 jas aralyǵyndaǵy jasóspirimderdi, júkti jáne bala emizetin áıelderdi Pfizer vaksınasymen qamtý baıaý júrip jatqany baıqalady. Máselen, ekpe alýǵa tıisti 63 765 adamnyń 16,5 paıyzy ǵana vaksına alǵan. Búginde osy toptaǵy adamdardyń 13,1%-y, 8 590 adam ǵana ekpeniń tolyq kýrsynan ótti.
Batys Qazaqstan oblysy