Elordadaǵy «Dáýlet» tennıs ortalyǵynda uıymdastyrylǵan ITF World Tennis Tour M25 týrnıri márege jetti.
Júlde qory 25 myń AQSh dollaryna baǵalanǵan jarystyń fınalynda 21 jastaǵy qazaqstandyq tennısshi Beıbit Jýkaev reseılik Alıbek Kachmazovpen bas júldeni sarapqa saldy. Beıbit úsh saǵatqa sozylǵan matchta 3:6, 7:6 (7:5), 6:7 (4:7) esebimen qarsylasyna ese jiberdi. Báseke barysynda Jýkaev 23 eıs jasaǵanymen, 4 breık-poıntty paıdalana almady.
Osy jarystyń fınalyna deıin jetken Aqtaý tennıs mektebiniń túlegi dúnıejúzilik reıtıngte 597-orynǵa kóterildi.