Qazaqstan Respýblıkasynyń Jenevadaǵy BUU bólimshesi janyndaǵy jáne basqa da halyqaralyq uıymdar janyndaǵy Turaqty ókili Erlan Álimbaev Qyzyl Krest jáne Qyzyl Jarty Aı qoǵamdary halyqaralyq federasııasynyń Bas hatshysy Djagan Chapageınmen aǵymdaǵy ekijaqty yntymaqtastyqty jáne ony odan ári damytý perspektıvalaryn talqylady, dep habarlaıdy Egemen.kz.
Taraptar 2018 jyly Almatyda ótken Qyzyl Krest jáne Qyzyl Jarty Aıdyń 10-shy óńirlik konferensııasynyń nátıjelerin joǵary baǵalady.
Dj.Chapageın Federasııanyń Ýkraınadaǵy júrgizip jatqan gýmanıtarlyq qyzmeti týraly aıtyp berdi. Sonymen qatar, ol Federasııanyń Almatydaǵy aımaqtyq ókildigi negizinde gýmanıtarlyq dıplomatııanyń óńirlik habyn qurý josparlarymen bólisti.
E.Álimbaev Bas hatshyny Qazaqstannyń Ýkraınaǵa 2,2 mıllıon AQSh dollardan astam somaǵa medısınalyq maqsattaǵy buıymdar túrindegi gýmanıtarlyq kómek kórsetý sheshimi týraly habardar etti.
Kezdesý sońynda suhbattastar Qazaqstanda jáne Ortalyq Azııada birlesken jobalardy júzege asyrý arqyly gýmanıtarlyq saladaǵy yntymaqtastyqty jalǵastyrýǵa kelisti.