Bavarııadaǵy Qazaqstan ekonomıkasy kúni

Mıýnhen qalasynda Qazaqstannyń Germanııadaǵy elshiliginiń, Bavarııa Ekonomıka jáne tehnologııalar mınıstrligi men Saýda-ónerkásiptik palatasynyń qoldaýymen uıymdastyrylǵan «Bavarııadaǵy Qazaqstan ekonomıkasy kúni» ótti. Sharanyń basty maqsaty Elbasynyń bıylǵy Joldaýy sheńberinde nemis ınvestısııalary men tehnologııalaryn Qazaqstan ekonomıkasyna tartý boıynsha Bavarııamen yntymaqtastyqty keńeıtý bolyp tabylady. Is-sharaǵa federaldyq jerlerdiń resmı jáne ekonomıkalyq toptarynyń 200-den asa ókilderi, sondaı-aq, Bavarııada ornalasqan iri konsernder men kompanııalardyń basshylary qatysty. О́z sózinde Qazaqstannyń Germanııadaǵy elshisi Nurlan Ońjanov qatysýshylarǵa Qazaq­stan ekonomıkasy damýynyń ózek­tiligi jáne eldegi qolaıly ınvestısııalyq jaǵdaı týraly, sonymen qatar, 2010-2014 jyldarǵa arnalǵan Qazaqstannyń údemeli ındýstrııalyq-ınnovasııalyq baǵ­darlamasyn iske asyrý barysynda Qazaqstan Úkimetiniń qol jetkizgen aralyq nátıjeleri týraly habardar etti. Ol Bavarııanyń isker toptaryn Qazaqstanmen ózara tıimdi áriptestikti tereńdetýde jáne keńeıtýde qolda bar múmkindikter men qolaıly jaǵdaılardy bel­sen­direk qoldanýǵa shaqyrdy. Elshiniń pikirinshe, Qazaqstan úshin otandyq ekonomıkaǵa ja­ńa tehnologııalar men noý-haý transfertin qarastyratyn, qazaq­standyq bilikti tehnıkalyq mamandardy daıarlaıtyn qazaq­standyq ekonomıkanyń basym salalaryndaǵy birlesken ınves­tısııalyq jobalar erekshe qyzyǵýshylyq týdyrýda. Sondaı-aq, Germanııanyń bu­rynǵy ekonomıka jáne tehnologııa federaldy mınıstri Mıhael Glos, Bavarııanyń Ekonomıka keńesiniń tóraǵasy Otto Vıshoı, Bavarııa ekonomıkasynyń bir­lestigi tóraǵasynyń orynbasary Shtefan Albat, Qazaqstannyń Indýstrııa jáne jańa tehnologııalar mınıstrliginiń Investısııalar jónindegi komıtetiniń tóraǵasy Erlan Haırov, Qazaqstan Saýda-ónerkásip palatasynyń prezıdenti Sabyr Esimbekov jáne «NATR» AQ basqarma tóraǵasy Aıdyn Qulseıitov taqyryptyq baıandamalar jasady. Ekonomıka kúni sheńberinde ótken «Shıkizat, óndiristik jáne teh­nologııalyq áriptestiktiń, son­daı-aq, jobalyq-ınjınırıng qyz­meti salasyndaǵy ynty­maq­tastyqtyń jaǵdaıy men bolashaǵy» taqyrybyndaǵy paneldik pikir­talas barysynda Qazaqstan men Germanııa arasyndaǵy tıimdi shıkizat, ındýstrııalyq jáne teh­­no­­logııalyq áriptestikti ári qaraı retteý máseleleri tal­qy­lan­dy. Bavarııalyq qaty­sýshy­lar Germanııanyń ener­ge­tıka­lyq qaýipsizdigin qamta­masyz etýdegi Qazaqstannyń mańyz­dy rólin, sonymen qatar, Qazaq­stannyń qazaqstandyq ekonomı­kany jańartý jáne ındýstrııa­landyrýǵa baǵyttalǵan memle­ket­tik baǵdarlamalardy júzege asyrýǵa baılanysty nemis joǵary tehnologııalyq kompanııalaryna usynyp otyrǵan múmkindikterin atap ótti. Ekonomıka kúniniń sheńberinde Dına Nurpeıisova atyndaǵy Atyraý memlekettik oblystyq fılarmonııasy akademııalyq orkestriniń merekelik konserti ótti. «Egemen-aqparat».