Jaqynda ulttyq valıýta – teńge baǵamyna engizilgen ózgerister jurtshylyq arasynda belgili bir alańdaýshylyq týǵyzǵany ras. Alaıda, onyń aldyn alýǵa baılanysty der kezinde atqarylǵan naqty is-sharalar óz nátıjesin berdi. Qoǵamda qaıtadan jaıly ahýal qalyptasyp, kópshiliktiń kóńili ornyna tústi. Halyqaralyq bıznes ýnıversıteti munyń aldynda ǵana tyńǵylyqty sharýalar atqarǵan edi. Bilim ordasynyń basshylyǵy qyzmetkerler men professor-oqytýshylar quramynyń jalaqysyn kóterýdi jyl basynda oılastyryp, ony 1 aqpannan bastap 20 paıyzǵa kóterýdi uıǵarǵan bolatyn. Sol arada teńge baǵamynyń álgindeı kóterilýi kórinis tapty. Ýnıversıtet sáıkesinshe óziniń qyzmetkerlerine qamqorlyq aıasyn keńeıtti.
Elbasynyń óskeleń jas urpaqqa qatysty turaqty ustanǵan salıqaly da sarabdal saıasaty ýnıversıtette qashanda zor qoldaýǵa ıe. Munda bakalavrıat jáne magıstratýra baǵdarlamalary boıynsha oqytý baǵasy burynǵy kúıinde saqtalyp otyr. Halyqaralyq bıznes ýnıversıtetinde oqýǵa tilek bildirýshilerge ornyqty ári sapaly bilim alýyna elimizdegi jáne álemdegi túrli ekonomıkalyq konıýnktýranyń aýytqýlaryna qaramastan kepildik beriledi. Stýdentterge áleýmettik turǵydan kóp kómek kórsetiledi. Osyndaı ıgilikti isterdiń nátıjesinde ýnıversıtettiń bedeli jyldan-jylǵa artyp keledi. Iá, istiń kózin tapqan mine, osy.
Marat AQQUL,
«Egemen Qazaqstan».