«Taıvannyń kompıýterlik tehnıka óndirýmen aınalysatyn ASUS kompanııasy jumysshylar men bıznesti Reseıden evakýasııalaý múmkindigin qarastyrady», dedi Taıvannyń ekonomıka mınıstri Van Maıhýa. Bul týraly araldyń Ortalyq aqparat agenttigi málimet taratty dep habarlaıdy Egemen.kz.
«Eń aldymen ASUS óz jumysshylary men bıznesin Reseıden evakýasııalaý týraly oılanýy múmkin», - dedi Van Maıhýa Ýkraına tarapynyń Reseımen qarym-qatynasty toqtatý týraly úndeýine túsinikteme bere otyryp. Buǵan deıin Ýkraınanyń vıse-premeri, sıfrlyq transformasııa mınıstri Mıhaıl Fedorov ASUS kompıýterlik elektronıka kompanııasynan Reseımen qarym-qatynasty jáne eldegi qyzmetti toqtatýdy ótingen edi.