Orta salmaq dárejesinde baq synap júrgen qazaq oǵlany Jánibek Álimhanuly áleýmettik jeliler arqyly óz salmaǵyndaǵy chempıondarǵa qaıyryldy, dep habarlaıdy Egemen.kz.
«Chempıondar, daıyn bolyńdar! Men ózime tıesili álem chempıony beldigin jeńip alǵannan keıin senderdiń beldikterińe talasatyn bolamyn», dep jazdy otandasymyz tvıtterde.
Buǵan deıin búkilálemdik boks uıymy (WBO) Jánibekke bir emes, úsh birdeı boksshyny qarsylas retinde belgilegen bolatyn.
Alaıda álem chempıony Demetrıýs Andrade, brazılııalyq Eskıva Falkao, meksıkalyq Haıme Mýngııa qazaq saıypqyranymen judyryqtasýdan bas tartty.
Attary atalǵan boksshylardyń árbirine on kúnnen ýaqyt joǵaltqan qazaq sańlaǵy kemi bir aıdan astam ýaqyt boıy eshqaısysymen kelisimge kele almady. Durysy, olar kezdesýden bas tartty.
Endi búkilálemdik boks uıymy Jánibekke qarsylas retinde ulybrıtanııalyq Dennı Dıgnýmdy taǵaıyndady. Aǵylshyn óreni shaıqastan qashyp qutylmasa, eki boksshy WBO tujyrymy boıynsha álemniń ýaqytsha chempıony ataǵyn sarapqa salatyn bolady.