15 naýryzda Nur-Sultan qalasynyń ýaqyty boıynsha saǵat 08:50-de Katovıse qalasynan (Polsha) Qazaqstanǵa besinshi repatrıasııalyq reıs ushyp shyqty, dep habarlaıdy Egemen.kz SIM baspasóz qyzmetine silteme jasap.
«Ushaq Almaty qalasyna keledi dep kútilýde. Bortta Ýkraınadan evakýasııalanǵan 89 jolaýshy bar», dep jazylǵan habarlamada.
Aıta ketsek, bir kún buryn bul ushaq Qazaqstan Respýblıkasy Úkimetiniń atynan Ýkraınaǵa gýmanıtarlyq kómektiń birinshi partııasyn Katovıse qalasyna jetkizgen bolatyn. Odan ári júk Ýkraına aýmaǵyna avtokólikpen jetkiziledi.