Taekvondodan Irannyń bas shahary – Tegeranda ótken halyqaralyq týrnırler serııasy óz máresine jetti.
Sońǵy jarysta daıan sheberleri Azııa federasııasy prezıdentiniń kýbogyn sarapqa saldy. Bul básekede 68 kılo salmaq dárejesinde baq synaǵan Erasyl Arapbaı úshinshi orynǵa taban tiredi. Sonyń aldynda ǵana atalǵan týrnırde Jansel Denız altyn alsa, Smaıyl Dúısebaı qola medaldy moınyna ildi. Osylaısha, Qazaqstannyń ulttyq quramasy Azııanyń klýbtyq chempıonaty, dástúrli Fajr Open dodasy jáne Azııa federasııasy prezıdentiniń kýbogyn 15 medalmen qorytyndylady. Sol júldelerdiń 2 altyn, 3 kúmis jáne 10-y qola medal.
Alda taekvondoshylarymyzdy birqatar baıraqty báseke kútip tur. Solardyń arasyndaǵy eń irileri – álem men qurlyq chempıonattary jáne jazǵy Azııa oıyndary.