Ýkraına aýmaǵynda qalyp qoıǵan qazaqstandyqtardy elge jetkizý úshin Polshanyń Katovıse qalasynan altynshy repatrıasııalyq reıs uıymdastyryldy. Bortta 14 jolaýshy bar, dep habarlaıdy Egemen.kz.
«QR Syrtqy ister mınıstrliginiń baspasóz qyzmeti málim etkendeı, 16 naýryzda saǵat 15:45-te Katovıse qalasynan Qazaqstanǵa altynshy repatrıasııalyq reıs ushty. Ushaq Almatyǵa qonýdy josparlap otyr. Bortta 14 jolaýshy bar», delingen vedomstvo habarlamasynda.
Búgingi tańda Ýkraınadan 836 adam shyǵaryldy, olardyń 690-y Qazaqstanǵa repatrıasııalyq ushaqtarmen oraldy.