Memleket basshysy Qasym-Jomart Toqaev Aqorda rezıdensııasynda oblystardyń jáne Nur-Sultan, Almaty, Shymkent qalalarynyń ákimderimen keńes ótkizdi, dep habarlaıdy Egemen.kz Aqordaǵa silteme jasap.
Jıyn barysynda óńirlerdiń áleýmettik-ekonomıkalyq damýyna qatysty ózekti máseleler talqylandy.
Prezıdent Úkimet pen ákimderge áleýmettik-ekonomıkalyq máselelerdi jedel sheshý jáne halyqtyń ál-aýqatyn arttyrý jóninde sharalar keshenin qabyldaýdy tapsyrdy.
Qasym-Jomart Toqaev Jańa Qazaqstandy qurý strategııasy aıasynda saıası reformalardyń kezekti toptamasyn iske asyrý boıynsha birqatar mindet júktedi.
Atap aıtqanda, ákimder azamattarmen jumys isteý tártibin qaıta qaraýy kerek, sondaı-aq aýdan jáne aýyl turǵyndarymen jıi kezdesip, olardy mazalaǵan máselelerdi sheshýi, qoǵam senimin arttyrýy qajet.
Úkimet pen ákimdikterge jumyssyzdyq deńgeıin tómendetý, kásipkerlikti damytý, jańa jumys oryndaryn ashý jóninde júıeli sharalar qabyldaýǵa tapsyrma berildi.
Keńes qorytyndysy boıynsha Memleket basshysy oblystardyń jáne respýblıkalyq mańyzy bar qalalardyń ákimderine búgingi Qazaqstan halqyna arnalǵan Joldaýda júktelgen mindetterdi sapaly júzege asyrý jóninde tapsyrma berdi.