Prezıdent usynǵan reformanyń negizgi máni – memleket, ıaǵnı bılik ókilderi men buqara arasynda naqty nátıje berip, qordalanǵan problemalardyń júıeli sheshimin tabýǵa arqaý bolatyn ekijaqty tıimdi dıalog uıymdastyrý. Aımaqtyq, jergilikti ózin-ózi basqarý organdarynyń belsendiligin jetildirý, azamattyq qoǵam ınstıtýttarynyń rólin nyǵaıtýdy kózdeıdi. Júıeniń qalyptasýyna kedergi tıgizip otyrǵan ákimshilik yqpal, áserdi álsiretýge baǵyttalǵan.
Kóńilden shyqqan taǵy bir másele, Prezıdenttiń jaqyn týystarynyń memlekettik organdar men kvazımemlekettik mekemelerdiń basshylyǵyna taǵaıyndalýyna tyıym salynýy. Aımaqtyq-ákimshilik reforma memlekettik basqarý organdaryn anaǵurlym halyqqa jaqyndatyp, óńir-ólkeniń keshendi damýyn óndiristik, áleýmettik, ınfraqurylymdyq turǵydan qamtamasyz etýge tıis.
Prezıdent saıası reformalardy kezeń-kezeńimen jáne tabandy túrde júzege asyryp keledi. Júıeli jumystyń negizi de baıqalady. Keıingi úsh jylda elimizdiń qoǵamdyq-saıası ómirin jańǵyrtý qajeti, árbir azamattyń saıası saýaty men saıası mádenıetin qalyptastyrýdan tys, meńgerý deńgeıiniń sapasy da mańyzdy ekenin aıtyp júr. Sebebi saıası reformanyń ekonomıkalyq reformalarmen qatar júrýi ózekti.
Tabysty ekonomıkalyq ósim saıası júıeniń ıkemdiligine de baılanysty. Al saıası júıeniń negizgi formýlasy: myqty Prezıdent – yqpaldy Parlament – esep beretin Úkimet. Bul qaǵıda júzege asyrylǵanda ǵana qoǵamnyń ashyqtyǵy, saıası bastamalardyń jarııalylyǵynan úlken qaıyr bar. Memleket basshysy jarııalaǵan «Halyq únine qulaq asatyn memleket» tujyrymdamasynyń ómirsheńdigi de jurt úshin mańyzdy.
Ǵazız QULAHMETOV,
Májilis depýtaty