Qazaqstannyń juptyq syndaǵy birinshi raketkasy Andreı Golýbev Indıan-Ýells masters týrnıriniń jartylaı fınalyna shyqty, dep habarlaıdy Egemen.kz.
Qazaqstandyq tennısshi germanııalyq Aleksandr Zverevpen birge shırek fınalda amerıkalyqtar Teılor Frıs – Tommı Polmen sheberlik baıqasty.
Qazaqstandyq-amerıkalyq jup 6:4, 7:6 (7:3) esebimen jeńiske jetti. Olar saǵat jarymǵa jýyq ýaqytqa sozylǵan match barysynda 6 eıs jasap, 4 breık-poınttyń bireýin paıdalandy. Qarsylastary 6 eıske qol jetkizgenimen, 5 breık-poıntty múlt jiberdi.
A.Golýbev pen A.Zverev jartylaı fınalda amerıkalyqtar Djon Izner – Djek Sok nemese ıspanııalyq Fılısıano Lopes – grekııalyq Stefanos Sısıpas juptarynyń qaı jeńgenimen kezdesedi.
Andreı Golýbev osyǵan deıin jekeleı jáne juptyq synda masters jarystarynda jartylaı fınalda oınamaǵan edi.