Almatyda bir táýlikte 33 adam koronavırýs juqtyrdy. Onyń 26-da sımptom bar, 7-de aýrý belgileri joq. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy Egemen.kz.
19 adam jazylyp shyqsa, 12 adam aýrýhanaǵa jańadan tústi. 400 tósek-oryndyq ınfeksııalyq stasıonarlarda 96 adam jatyr, onyń ishinde 8 bala bar. Jalpy reanımasııa jáne qarqyndy terapııa bólimshesinde 11 adam jatyr.
4 naýqas jasandy tynys alý apparatyna qosylǵan. Invazıvti emes jasandy tynys alý apparatynda bireý, High flow-da tórt apparat jumys isteıdi.
Medısınalyq-sanıtarııalyq alǵashqy kómek mobıldi brıgadalarynyń jáne Telemedısına ortalyǵynyń ambýlatorııalyq baqylaýynda 174 naýqas bar. Onyń ishinde jeńil jáne ortasha aýyr jaǵdaıda – 158 naýqas, sımptomsyz 16 naýqas bar.