BQO jumyspen qamtýdy úılestirý jáne áleýmettik baǵdarlamalar basqarmasynyń habarlaýynsha, Jeńis kúnine oraı bir rettik járdemaqy tórt myń adamǵa tólenetin bolady. Tólemderdiń jalpy somasy 138 mıllıon teńgeni quraıdy, dep habarlaıdy Egemen.kz «Moı gorod» saıtyna silteme jasap.
«UOS 21 ardageri men múmkindigi shekteýli jandar bir mıllıon teńgeden alady, Qorshaýdaǵy Lenıngrad turǵyndary sanatynan úsh adam 120 myń teńgeden alady, fashıstik konslagerlerdiń jeti tutqyny 120 myń teńgeden alady. Keńes Armııasy erikti quramynyń úsh adamyna 120 myń teńgeden járdemaqy tólenedi. Qaıtys bolǵan múgedekterdiń jáne UOS qatysýshylarynyń jáne olarǵa teńestirilgen tulǵalardyń qaıta nekege otyrmaǵan jubaılary 283 adam, olarǵa 30 myń teńge mólsherinde birjolǵy járdemaqy berilýi tıis», dep habarlady vedomstvoda.
Sonymen qatar, oblysta 3 560 tyl eńbekkeri turady, olarǵa 30 myń teńge kóleminde birjolǵy járdemaqy tólenedi. Tólemder sáýir aıynyń ekinshi onkúndiginde azamattardyń qoldanystaǵy shottaryna túse bastaıdy.