Májiliste ótken dóńgelek ústelde Básekelestikti qorǵaý jáne damytý agenttiginiń tóraǵasy Serik Jumanǵarın áýejaılarǵa avıakerosın satýǵa tyıym salýdy usyndy, dep habarlaıdy Egemen.kz.
Bul týraly QR Básekelestikti qorǵaý jáne damytý agenttiginiń tóraǵasy Serik Jumanǵarın «QR negizgi taýar naryqtaryn monopolııasyzdandyrý sharalary» taqyrybynda ótken dóńgelek ústelde málimdedi.
«Avıakerosındi satý naryǵynda áýejaılar ózderiniń tarıftik saıasatyna táýeldi. О́ıtkeni negizgi kiristi avıakerosındi qaıta satý arqyly taýyp otyr. Avıasııalyq otynnyń 72%-yn eki kompanııa baqylaıdy. Olar: 54% úlesi bar «PetroSun» JShS men 18% úlesi bar «QazMunaıGaz» AQ. «PetroSun» JShS-nen kóbinese «AirAstana» AQ (45%), «Nursultan Nazarbaev halyqaralyq áýejaıy» AQ (17%), «Scat» JShS «13%), «Vınes treıdıng» JShS (9%), «Almaty halyqaralyq áýejaıy» AQ (8%), «Qazaqair» AQ (3,3%) satyp alady. «QazMunaıGaz» AQ-nyń avıaotynyn túgeldeı «QazMunaıGaz Aero» AQ satyp alady», dep túsindirdi Serik Jumanǵarın.
Agenttik tóraǵasy byltyr ishki naryqqa arnalǵan avıotynnyń 10% satý taýar bırjalary arqyly satylǵanyn atap ótti.