Memleket basshysy Ishki ister mınıstri Marat Ahmetjanovty qabyldady, dep habarlaıdy Egemen.kz Aqordaǵa silteme jasap.
Qasym-Jomart Toqaevqa elimizdegi krımınogendik ahýal, sondaı-aq qańtar oqıǵasy kezinde jasalǵan qylmystardy tergeý isi, kinálilerdi anyqtaý jáne jaýapkershilikke tartý boıynsha júrgizilip jatqan jumystar jóninde baıandaldy.
Prezıdentke usynylǵan málimetke sáıkes qazirgi ýaqytta 2 988 qylmystyq is qaralýda, 188 is boıynsha aıyptalý aktisi shyqqan, onyń 166-sy sotqa jiberilgen. Sonymen qatar tonalǵan qarýdy zańsyz aınalymnan qaıtaryp alý boıynsha jumys júrgizilýde.
Memleket basshysyna ishki ister organdarynyń qyzmetin jetildirý boıynsha júzege asyrylyp jatqan sharalar týraly aqparat berildi. Sonyń ishinde polısııa jumysyn baǵalaý júıesin qaıta qaraý, bıýrokratııany joıý, sotqa deıingi is júrgizý prosesin ońtaılandyrý, sondaı-aq zańdylyqty qamtamasyz etý jáne azamattardyń quqyqtaryn qorǵaýdy kúsheıtý sharalary týraly aıtyldy.
Marat Ahmetjanov sybaılas jemqorlyqqa qarsy saıasatty iske asyrýdaǵy jańa tásilder, mamandarmen jumys isteýdiń tıimdiligin arttyrý, sıfrlandyrý esebinen merıtokratııa qaǵıdattaryn jáne prosessterdiń ashyqtyǵyn qamtamasyz etý jóninde baıandady.Sonymen qatar Memleket basshysyna qylmystyq-atqarý júıesin jańǵyrtý, quqyqtyq tártipti jáne sottalǵandar otyratyn jáıdi jaqsartý jáne olardy qaıta áleýmettendirý jóninde aqparat berildi.Kezdesý qorytyndysy boıynsha Prezıdent mınıstrge elimizdegi quqyqtyq tártiptiń deńgeıin odan ári arttyrý, ishki ister organdarynyń qyzmetin servıstik modelge ótkizý boıynsha birqatar tapsyrma berdi.