2022 jyldyń 1 sáýirinen bastap zeınetaqy jınaqtarynyń jetkiliktilik shegi ózgeredi. Osyǵan baılanysty Otbasy Bank qyzmetkerleri Naýryz meıramynda jumys isteıdi, dep habarlaıdy Egemen.kz.
«BZT aýdarylatyn depozıtti nemese arnaıy shotty qashyqtan ashýǵa bolady. Ol úshin 300 nómirine nemese bank saıtyndaǵy silteme arqyly beıneoperatorǵa habarlasý qajet. Qońyraýlar demalys kúnderine qaramastan 19, 20, 21 jáne 22 naýryz kúnderi qabyldanady», – dep habarlaıdy banktiń baspasóz qyzmeti.
Enpf-otbasy.kz platformasy da qazaqstandyqtarǵa 24/7 rejıminde, demalys pen mereke kúnderi de qoljetimdi bolmaq.
«Sońǵy 3 kúnde enpf-otbasy.kz platformasyna 157 myńnan astam ótinish tústi. Eń kóp tańdalǵan maqsattardyń ishinde: Otbasy bankindegi salymdy tolyqtyrý, emdelý jáne ıpotekany ishinara óteý. Qazaqstandyqtardyń BJZQ-nan suratyp jatqan eń tómengi somasy – 200 teńge», – delingen bank habarlamasynda.
2022 jyldyń 1 sáýirinen bastap zeınetaqy jınaqtarynyń jetkiliktilik shegi ózgeredi. BZT-in qazirgi sharttarmen paıdalaný úshin qazaqstandyqtar 2022 jyldyń 29 naýryzyna deıin enpf-otbasy.kz platformasyna ótinish berip úlgerýi qajet. Otbasy bank ótinishti 2 kún ishinde qarap, BJZQ-na jiberedi. BJZQ 2022 jyldyń 31 naýryzyna deıin qabyldaǵan ótinishter boıynsha BZT-in 2022 jyldyń 1 sáýirine deıingi burynǵy shekti mánderge sáıkes tóleıdi.